Monday, February 8, 2016

ஏற்றுமதி சரக்குகளை தபால் மூலம் அல்லது கூரியர் மூலம் அனுப்ப முடியுமா?


சரவணன்
கோவை

கேள்வி

ஏற்றுமதி சரக்குகளை தபால் மூலம் அல்லது கூரியர் மூலம் அனுப்ப முடியுமா?

பதில்

தாராளமாக அனுப்பலாம். இந்திய அரசின் இந்தியா போஸ்ட் மூலம் இண்டர்நேஷனல் போஸ்ட் பார்சல் மூலம் அனுப்பலாம். அல்லது தனியார் கூரியர் (டி.எச்.எல்.போன்றவை) மூலம் அனுப்பலாம். இவைகளும் இந்திய கஸ்டம்ஸை கடந்து தான் செல்ல வேண்டும். இவைகள் மூலம் சரக்குகள் அனுப்பும் போது அவை நேரடியாக இறக்குமதியாளரைச் சென்றடையும் என்பதை நினைவில் கொள்ளவும். அதாவது சரக்குகளை பெற்றுக் கொண்டு பணம் தராமல் இருக்க வாய்ப்புக்கள் உண்டு. முன் பணம் அதாவது அட்வான்ஸ் பேமண்ட் வாங்கிக் கொண்டு இந்த வகை ஏற்றுமதி செய்வது நல்லது.

மஹாராஷ்டிராவிலிருந்து ஏற்றுமதியாகும் முக்கியமான பொருட்கள் என்னென்ன?


ராமசேஷன்
மும்பை

கேள்வி
மஹாராஷ்டிராவிலிருந்து ஏற்றுமதியாகும் முக்கியமான பொருட்கள் என்னென்ன?

பதில்
பெரிய வெங்காயம்திராட்சைஒயின்மலர்கள்ஸ்டிராபெரிமாதுளம்பழம்இஞ்சினியரிங் பொருட்கள்கெமிக்கல்ஸ்தங்க ஆபரணங்கள்வைர ஆபரணங்கள்துணி வகைகள் ஆகியவை பெருமளவில் ஏற்றுமதி ஆகின்றன. மஹாராஷ்டிராவிலிருந்து பெரும்பாலும் எல்லாப் பொருட்களும் ஏற்றுமதியானாலும் மேலே கண்ட பொருட்கள் அதிக அளவில் ஏற்றுமதி ஆகின்றன.

Sunday, February 7, 2016

பங்களாதேஷில் இருந்து கித்தான் சாக்குகள்இறக்குமதி செய்ய விரும்புகின்றேன்.

பல்லடம் வாசகர்

கேள்வி
பங்களாதேஷில் இருந்து கித்தான் சாக்குகள்இறக்குமதி செய்ய விரும்புகின்றேன். அதற்கு எவ்வளவு டுயூட்டி வரும் என்று எப்படி கண்டுபிடிப்பது?

பதில்
இறக்குமதிக்கான டுயூட்டிகளை தெரிந்து கொள்ளwww.ieport.com என்ற இணையதளத்தில் சென்று பாருங்கள். முழு விபரங்களும் கிடைக்கும். இது தவிர இன்னும் பல இணையதளங்களிலும் கிடைக்கிறது.


Sunday, January 10, 2016

மதுரையில் பிப்ரவரி 14ல் சேதுராமன் சாத்தப்பன் நடத்தும் ஏற்றுமதி செமினார்.......

மதுரையில் பிப்ரவரி 14ல் சேதுராமன் சாத்தப்பன் நடத்தும் ஏற்றுமதி செமினார்.......



தினமலருடன் பத்திரிக்கையுடன் இணைந்து சேதுராமன் சாத்தப்பன் நடத்தும் ஏற்றுமதி செமினார் பிப்ரவரி 14ம் தேதி ஞாயிறன்று மதுரையில் நடக்கவுள்ளது.


வெற்றிகரமாக ஏற்றுமதி செய்வது எப்படி?',
ஏற்றுமதிக்கு மார்க்கெட்டிங் செய்வது எப்படி?
ஏற்றுமதிக்கு சிறப்பாக ஆங்கில கடிதங்கள் எழுதுவது எப்படி?

என்ற தலைப்புக்களில் இந்த செமினார் நடைபெறும்.


ஏற்றுமதி டாக்குமென்டேஷன் விதிகள் பற்றிய சிறந்த 
பயிற்சியாளரும்ஏற்றுமதி வர்த்தகம் குறித்த கட்டுரைகளை முன்னணி 
தமிழ் நாளிதழ்கள்வணிக இதழ்களில் தொடர்ந்து 15 ஆண்டுகளாக எழுதி 
வருபவரும்தமிழகம் மற்றும் ஆப்பிரிக்க நாடுகளில், 10 ஆண்டுகளுக்கும் 
மேலாக ஏற்றுமதி பயிற்சி அளித்து வருபவருமான,மும்பையின் பிரபல வங்கியாளர் சேதுராமன் சாத்தப்பன் இந்த பயிற்சியை அளிக்க உள்ளார்.பங்கேற்பாளர்களின் ஏற்றுமதி பற்றிய கேள்விகளுக்கு பதில் அளிக்கும் நேருக்கு நேர் நிகழ்ச்சியும் உண்டு.

ஏற்றுமதிக்கு மார்க்கெட்டிங் எப்படி செய்வது அதுவும் தற்போதைய சூழ்நிலையில் இண்டர்நெட்  மூலம் மார்க்கெட்டிங் செய்வது எப்படி என்றும், ஏற்றுமதிக்கு ஆங்கிலத்தில் சிறப்பாக கடிதம் எழுவது என்றும் இந்த கருத்தரங்கில் சொல்லித் தரப்படும்.



பயிற்சி கட்டணம்

பயிற்சிபுத்தகங்கள்காலை தேநீர்,மதிய உணவுமாலை தேநீர் ஆகிய அனைத்தும் உட்பட கட்டணம் ரூபாய் 2500. 


வெற்றிகரமாகஏற்றுமதி  செய்வது எப்படிஏற்றுமதி மார்க்கெட்டிங் செய்வது எப்படி? (தனிப் புத்தகம்), ஏற்றுமதிக்கு ஆங்கில கடிதங்கள் எழுதுவது எப்படி? (100 கடிதங்கள் அடங்கியது), ஏற்றுமதி டாக்குமெண்டேஷன் விதிகள்,  ஆகிய  புத்தகங்களும் கொடுக்கப்படும்.



பணம் செலுத்த வேண்டிய விபரம்

அக்சிஸ் வங்கியின் எந்த கிளையும் பணம் செலுத்தலாம்.

AXIS BANK,  
BORIVILI WEST, 
MUMBAI, 
IFSC CODE UTIB0000018
ACCOUNT 018010200006750
THE INSTITUTE FOR LEARNING EXPORTS


மேலும் விபரங்களுக்கு

098 696 16533 என்ற மொபைல் எண்ணை அழைக்கவும்.
அல்லது learningexports@rediffmail.com என்ற ஈமெயில் முகவரிக்கு எழுதவும்

Friday, July 31, 2015

கார்பெட் ஏற்றுமதி


கார்பெட் ஏற்றுமதி


இந்திய கார்பெட் ஏற்றுமதியாளர்கள் ஐரோப்பிய நாடுகளுக்கு ஏற்றுமதியை கூட்டுவதற்காகபிரேசிலில் இந்திய அரசாங்கம் ஒரு கிடங்கை திறந்துள்ளது. இந்திய ஏற்றுமதியாளர்கள் தங்கள் சரக்குகளை அங்கு கொண்டு சென்று வைத்துக் கொள்ளலாம். அங்கிருந்து தங்கள் ஐரோப்பிய இறக்குமதியாளர்களுக்கு சப்ளை செய்து கொள்ளலாம்.

இந்தியாவில் தயாரிக்கும் கார்பெட்களில் 95 சதவீதம் ஏற்றுமதி தான் ஆகிறது. 1961-62ம் வருடங்களில் சுமார் மில்லியன் டாலர்கள் தாம் கார்பெட் ஏற்றுமதி இருந்தது. தற்போது அது 2014-15ம் வருடம் 1010 மில்லியன் டாலர்களாக கூடியுள்ளது.

தமிழ்நாடு கார்பெட் தயாரிப்பில் ஈடுபடுவதில்லை. உத்திரபிரதேசத்தில் பதோகி என்ற ஊர் தான் கார்பெட் தயாரிப்பிற்கு மிகவும் புகழ் பெற்றது.


Thursday, July 30, 2015

ஏற்றுமதிக்கு 20 பொருட்கள் வைத்துள்ளேன்

கேள்வி பதில்

ஆனந்த்
கோவை


கேள்வி
எனக்கு ஏற்றுமதியில் மிகுந்த ஆர்வம். நான் ஒரு இருபது பொருட்கள் ஏற்றுமதிக்கென தேர்வு செய்து வைத்துள்ளேன்எனக்கு ஏற்றுமதி ஆர்டர்கள் கிடைக்க வழி சொல்லுங்கள்.


பதில்

முதலில் இருபது பொருட்கள் ஏற்றுமதிக்கு தேர்வு செய்வதே ஒரு தவறான முடிவாகும். ஏற்றுமதி செய்ய நினைத்தால் நீங்கள் தயாரிக்கும் பொருட்களை ஏற்றுமதி செய்ய நினைப்பதே உசிதமாகும். நீங்கள் எந்தப் பொருளும் தயாரிக்கவில்லைவாங்கி ஏற்றுமதி செய்ய நினைத்தால் ஒரு ஐந்து பொருட்களை அதிகபட்சமாக தேர்வு செய்து கொள்ளுங்கள்.  அதைப் பற்றி நன்கு தெரிந்து கொள்ளுங்கள். பின்னர் எவ்வளவு முதலீடு செய்ய முடியும் என்று முடிவு செய்து கொள்ளுங்கள். அப்போது தான் ஏற்றுமதியில் வெற்றி பெற முடியும்.